بعد الوصية الأولى للشاعر الفذ "ولد ابته" إليكم وصيتة الثانية لولد الغزواني

بعد الوصية الأولى قبل أشهر للمرشح محمد ولد الشيخ محمد أحمد ولد الغزواني و التي ختمتها بالكًافْ
اتفكًد منْ يومكْ قايدْ = عنَّكْ محمد موريتانْ
مانكْ محمد بنْ زايدْ = و لَانَكْ محمدْ بنْ سلمانْ
و بعد نشرها على نطاق واسع في وسائل التواصل الاجتماعي و بعد ما لاقتهُ من استحسانِِ من طرف الجهاتْ المعنية بهَا ، و بما أن منْ واجبنَا تقديم النصحِ بكل تجرد و أمانة بعيدا عن التملق و النفاق لهذا المرشح لكونه المرشح الأقوى و الرئيس المحتمل للجمهورية الإسلامية الموريتانية ، و بما أنَّ دورْ الشاعرْ الوطني هو الوقوف مع المواطنين المستضعفين و الدفاع عنهم و إبراز مكامن الخلل ،
إليكم الوصية الثانية للمرشح .
الشَّعبْ ايلَا طاكْ اصواتُ = بَكْــــــــرَاتُ فنتِخَــابَاتُ
يختيــــــــرْ اِداوِي وَيْلاتُ = بيكْ الَّا كََُـــومْ امداويهَ
و اعـــرَفْ عَنُّو فَاتُ فَاتُ = فيهْ اَيَّام اُوهمَّــــشْ فيهَ
و اتعبْ و انتهبُ خيراتُ = و انتكلتْ و اوْلاعبْ بيهَ
....
طيهْ ابوجهكْ و اتهللَّ فيـــهْ = و اسْكََِيهْ و دَاوِيهْ و كََرِّيهْ
و ابنِيهْ و خَاويهْ و كََانِــــــيهْ = و اللَّامَه تَّـــــمْ امكََانِيـهَ
معنَ كَانيهْ انَّكْ سَــــــــــاويهْ = لا تختــــرْ جيهَ عن جيهَ
و اطريكََْ العهدْ الكنتْ اعليهْ = امجِيـــــــكْ الا تَمْ اعليهَ
....
هونْ التعليمْ اخسرْ و انْهارْ = حالُ يدَّهورْ كل انهـــارْ
كََدروهْ اعليهْ اتعومْ انهـارْ = ما جبرتْ صرف ايمزريهَ
و الصحه كلْ انهارْ العارْ = يصبــــــحْ لازمهَ من جيهَ
....
دَوْلَه تملكْ من لاقتصادْ = اذهبْ و احديدْ و حوتْ و عادْ
مواطنْ منهَ ماهُ كََـــــادْ = فيــــــــهَ يجبـــــــرْ ذاتُ فِيــهَ
معنَــاهَ عن سادْ الفسادْ = فيـــــــــهَ و انُّو عاكــــــلْ بيهَ
....
و استمرارْ النهجْ المكََْـيُولْ = عنُّو لكْ شِعارْ و مدْلولْ
ما عينكْ فيهْ ، اخيرْ اتكََُولْ = عنَّكْ عنـــدَكْ رؤيَه بيهَ
لاهِي تخدمْ شعبَكْ مفصولْ = فيهَ و اتكًَد اتواسِيــهَ
....
و ثروةْ شعبكْ عسَّكْ منهَ = لا توخظْ من جيهَ فيـهَ
هوَّ ماهُ صايــــــــبْ عنهََ = و انتَ ما لكْ غايَه بيهَ
التاه ولد ابته